ဗိုလ်တထောင်မြို့နယ် ဆိတ်ငြိမ်ရပ်ကွက်မှ အငှားခန်းလေး

ရန်ကုန်မြို့အရှေ့ပိုင်းတွင်ရှိသော ဗိုလ်တထောင်မြို့နယ် အတွင်းရှိ တိတ်ဆိတ်အေးချမ်းသော ဗိုလ်တထောင် လမ်းသွယ်(၂) လမ်းတို အတွင်းမှ ဟောင်ကောင်တိုက်ခန်း (၇+၈) နှစ်လွှာကို ၆လချုပ်/တနှစ်ချုပ် ဖြင့်ငှားရမ်းပါမည်။ ၁၅၀၀ စတုရန်းပေနီးပါးရှိပါသည်။
ငှားရမ်းမည့်အခန်းမှာ ၁၅x၅၀ ပေ နှစ်ထပ်ဖြစ်ပါသည်။ နှစ်လွှာဖြစ်သဖြင့် အပေါ်ထပ်အလွှာတွင် အိပ်ခန်းတခန်း ရှိပြီးအပြင်ဖက်တွင် အိပ်ခန်းကျယ်သဘောပြုလုပ်ထားပါသည်။ အောက်ထပ်တွင် အိပ်ခန်းမဖွဲ့ထားပါ။ ပွတ်လုံး room divider ဖြင့်အိမ်ရှေ့ခန်းနှင့်ထမင်းစားခန်းကို ကာရံထားပါသည်။
တအိမ်လုံး ကျွန်း၊ ပျဉ်းကတိုးများကိုအသုံးပြုပြီး ခေတ်မီ granite မီးဖိုစင် အပေါ်ထပ်တွင်တခု အောက်ထပ်တွင်တခု တပ်ဆင်ထားပါသည်။
တကောင်ခွဲ အဲကွန်း နစ်လုံးကို အပေါ်ထပ်တွင်တလုံး အောက်ထပ်တွင်တလုံးတပ်ဆင်ထားပါသည်။
အော်တိုအဝတ်လျှော်စက်တလုံးနှင့် pressure pump တလုံးလည်း ပါဝင်ပါမည်။
Sofa Settee တစုံပါ ပါဝင်ပါမည်။ တယောက်အိပ်ကုတင်/ နှစ်ယောက်အိပ်ကုတင်များ လိုအပ်လျှင်ယူသုံးနိုင်ပါသည်။
ကိုယ်ပိုင် မီတာ နှင့် ရေအတွက်လောလောဆယ် ဘေးခန်းနှင့် နှစ်ဦးစပ် မော်တာတပ်ဆင်ထားပါသည်။
*အငှားသေချာလျှင် စရံပေးပြီးတပတ်အတွင်း ကိုယ်ပိုင်ရေစက်နှင့် ကိုယ်ပိုင်ရေတလိုင်း သီးသန့်သွယ်ပေးပါမည်။ လူအများကြီးစုနေကြမည့်အဆောင်သဘောမျိုးပုံစံ မငှားပါ။ အေးအေးချမ်းချမ်းနေထိုင်မည့်မိသားစုကိုသာငှားပါမည်။ လမ်းတိုဖြစ်သော်လည်း ကားရပ်ရန် ပါကင် ရနိုင်ပါသည်။
တလအတွက်ငှားရမ်းခမှာ ၃ သိန်းခွဲဖြစ်ပြီး အနည်းဆုံး ၆ လမှစတင်ပြီး ငှားရမ်းနိုင်ပါသည်။ ငှားရမ်းခကိုအနည်းဆုံးဖြစ်အောင်တွက်ချက်စဉ်းစားထားပါသည်။ ဈေးထပ်မလျှော့နိုင်တော့ပါ။
အကျိုးဆောင်များကို ၆ လစာချုပ်ဖြင့်ငှားရမ်းပါက အကျိုးဆောင်ခ လတဝက်စာနှင့် ၁၂ လ ငှားရမ်းပါက တလစာအကျိုးဆောင်ခ ပေးအပ်ပါမည်။